ملخص المؤتمر الصحفي لأنشيلوتي قبل مبارات الكلاسيكو

أنشيلوتي طلع بالمؤتمر الصحفي اليوم وحكى بصراحة وبكل وضوح عن التحضيرات للكلاسيكو وكيف إنه الفريق جاهز وبأحسن حالاته وقال إنه الكلاسيكو دايماً مباراة قوية وكبيرة وإنه مو بس مجرد مباراة هو احتفال كروي بين فريقين كبار بيعرف العالم كله عم يتابع المباراة وقال كمان إنه برشلونة هالفترة عم يلعبوا بطريقة رائعة وطبعاً نحترم أسلوبهم وإنه فريق شجاع ما بخاف من المواجهة بس إحنا كمان عندنا خطتنا وعارفين شو لازم نعمل عشان نوقفهم

أنشيلوتي ركز على التحضير الذهني للفريق لأنه الكلاسيكو فيه ضغط مو طبيعي وبيحتاج إنك تعرف تتحكم بكل لحظة بالمباراة قال إنه بالأوقات الصعبة الفريق لازم يعرف يتعامل معها لأنه الضغط رح يكون كبير ولازم نتحمل ونعرف نرد عليهم ونعرف كيف نحافظ على هدوءنا لما الفريق التاني عنده الأفضلية وكمان نعرف نستغل الفرص لما تكون السيطرة معنا لأنه بكل لحظة فيه تبديل بالأدوار وهاي هي الصعوبة بالكلاسيكو

وكمان حكوا مع أنشيلوتي عن بيلينغهام وشو دوره بالمباراة وقال إنه رغم الإصابات اللي تعرض لها الفترة الماضية بالكاحل والكتف بس هو الآن بوضع ممتاز وعم يطور أدائه بشكل كبير وعم يعطي الفريق طاقة إضافية سواء بالأهداف أو حتى بالشغل اللي بيسويه بالملعب لأنه مهم لإلنا جداً ما يكون بس دوره التسجيل بل حتى تأثيره باللعب نفسه وكل اللاعبين مستعدين يعطوا كل شي عندهم

بالنهاية أنشيلوتي قال إنه مباراة زي هاي ما فيها فريق مفضل لأنه الكلاسيكو دايماً بيحمل مفاجآت ورغم إنه برشلونة داخلين المباراة بمعنويات عالية بس فريقنا كمان جاهز وما رح نخاف ولا نتراجع