نهاية التيكي تاكا مع هانسي فليك و برشلونة يتبنى نظام لعب جديد

برشلونة في آخر السنوات تركت التيكي تاكا اللي كانت تخلي الملعب لوحة فنية بأقدام اللاعبين اللي يتبادلون الكرات بشكل ساحر ويغيرون مراكزهم بطريقة تخلي الخصم تائه وهذا يخلي الجمهور في قمة الحماس والمتعة وهم يشوفون اللاعبين يتناقلون الكرات وكأنها لعبة شطرنج لكن كل شيء كان مدروس ومخطط له، بس للأسف هذي الأيام انتهت مع برشلونة.

اللي ابتكر هذا الأسلوب الرائع كان المدرب الإسباني العبقري بيب غوارديولا هو اللي زرع التيكي تاكا في برشلونة وصاروا يعرفونهم بها، كان سيد هذا الأسلوب بكل جدارة، لعب ونجح وحقق بطولات خيالية بهذا الأسلوب حتى بعد ما غادر بيب ظل برشلونة يلعب بنفس الطريقة اللي علمهم إياها وصار اسمهم مربوط بالتيكي تاكا اللي تخلي الخصم ينسى الكرة.

لكن بعد فترة لما تولى تشافي تدريب الفريق حاول يكمل على نفس المنوال ويمشي على طريق التيكي تاكا، بس بدأت الفرق تتعود على هذا الأسلوب وصارت عندهم مفاتيح كيف يوقفونه، فهموا طريقة اللعب وصارت التكتيكات كلها مكشوفة ما عاد في عنصر مفاجأة زي أول، وهذا خلى الخصوم يعرفون كيف يواجهون برشلونة ويحدّون من خطورتهم.

الحين، مع قدوم المدرب الألماني هانسي فليك، أسلوب اللعب اختلف تمامًا، صار التركيز على المباشرة بالهجوم، يوصل الكرة بسرعة لآخر الملعب ويهتم أكثر بالأهداف وتحقيق الفوز بدون ما يفكر بجمال اللعب ولا الاستعراض. بالنسبة لهانسي، الفوز هو الأهم بغض النظر عن الاستعراض أو التيكي تاكا اللي عشقها الجمهور. هل يعني هذا إننا في عصر جديد بدون تيكي تاكا وإن جماهير برشلونة بيعيشون مباريات من غير متعة هالأسلوب الرائع؟